امدرمان انترنت

مركز ثقافي وسياسي وإعلامي سوداني


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 ملحمة اكتوبر في الإثنين سبتمبر 29, 2008 12:00 pm

ملحمة اكتوبر





الملحمة - قصة ثورة

كلمات هاشم صديق
اداء محمد الأمين والمجموعة

لما الليل الظالم طوّل
وفجر النور من عينّا إتحول
قلنا نعيد الماضي الأول
ماضي جدودنا الهَزَمُوا الباغي
وهدّوا قلاع الظلم الطاغي.

وفي ليله وكنا حُشود بِتصارع
عهد الظلم الشبَّ حواجز
شبَّ موانع
جانا هتاف من عِند الشارع
قسماً...قسماً
لن ننهار
طريق الثورة
هُدى الأحرار.
والشارع ثار
وغضب ألامه أتمدد نار
والكل يا وطني حشود ثوار
وهزمنا الليل
هزمنا الليل.
والنور في الآخر طل الدار
والعزة أتهادت للأحرار.

وطني أنحن سيوف أمجادك
ونحن مواكب تفدى تُرابك
ولِسّه الشارع بِشهَد لينا
في يوم الغضبة حصاد ماضينا
مشينا نَعَطّر حقل الثورة
بِدَم نَفْدِيها بلادنا الحرة
وكان أكتوبر فجر الغضبة
كسرنا قيود الماضي الصعبة
لما مشينا مواكب صَامده
تهدر- وتغلي ... وتهتف راعدة
الرصاص لن يفنينا.
الرصاص لن يفنينا

وسال الدم في أرض الوادي
فَدينا النور بالروح يا بلادي
وكانت صفحة حكاها العالم
وفجر أكتوبر طَلّ وسَالَم

كان في الجامعة موكب هادر
صمَّم يجلى الليل السّادر
وكان الليل السادر غادر
فجّر غدرو سموم دخان
ورُصاص من صوته صِحَا السودان
والشعب الثائر
صمّم هادر
يصرع ليلنا الداجي الطَّوَّل
وكان القرشى شهيدنا الأول
وما اتراجَعنا
حلفنا نقاوم ليلنا وسِرنَا
نذرنا الروح ومَسَكْنَا دَرِبنَا
للشمس النايرة قطعنا بحور
حلفنا نموت أو نلقى النور
وكان فى الخطوة بنلقى شهيد
بى دمه بِيِرسُم فجر العيد.
يا اكتوبر
أنِحْنا العِشنا ليالي زمان
في قيود ومظالم وويل وهوان
كان في صدورنا غضب بركان
وكنا بنقسم بالأوطان
نَسَطَّر اسمك يا سودان

بدمانا السّالت راويه الساحة.
وحلفنا نسير ما نْضوق الراحة
شهرنا سيوف عِصيانّا المدني
وكانت وحدة صف يا وطني
إيد فى ايد حلفنا نقاوم
ما بنِترْاَجع وما بِنسَاوم
بينّا وبينك ثار يا ظالم

خُطانا تسير في درب النصر
هتافنا يدَوّى يهز القصر
كسرنا حواجز ..أزِلنا موانع
صفنا واحد
عامل.وطالب..زارع وصانع
وهزمنا الليل
هزمنا الليل
والنور في الآخر طل الدار
والعِّزة إتهادت للأحرار
يا ساحة القصر..يا حقل النور
ويا واحة بتَحَضن روح نَصّار
روينا ورودك دم ثوار
وشتَلنا فضاك هتاف أحرار
خَطّينا ترابك أحرف نايره
بتحكى سطور أيامنا الثائرة
وشلنا الشهداء مشينا ونهتف
وجرح النار في قلوبنا بينزف
سَجّينا الشُهدا وجينا نقاوم
ما بنِتراجع وما بِنساوم

وفجأة ونحن صفوف بتصمم
زغرد فجر الثورة الحالم
والنور في الآخر طل الدار
والعزة أتهادت للأحرار
قسماً..قسماً يا أكتوبر
نحمى شعارك
ونجنى ثمارك
ونرفع راية الثورة الغالية
عاليه ترفرف فوق السارية
عليها شعار الثورة الأكبر
رسُمه النادر زاهي واخضر
ولِسّه ينقسم يا أكتوبر
لما يطل في فجرنا ظالم
نحمى شعار الثورة نقاوم
نبقى صفوف تمتدّ وتهتف
لما يعود الفجر الحالم يا أكتوبر

معاينة صفحة البيانات الشخصي للعضو

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى